Shitet Vila Big Twin në Green Coast, Palasë

Përshkrim

Vila Big Twin luksoze në zemër të Green Coast, e disponueshme për shitje. Vila Big Twin është e organizuar me 2 kate dhe shume moderne duke ofruar një sallon ndenje, kuzhinë, 2 dhoma gjumi, 2 tualete, dhe verandë me pamje fantastike të ambientit përreth resortit dhe detit Jon. Projektuar për të pasur gjithçka që ju nevojitet për një jetesë komode, Green Coast vjen si një simbol domethënës i modernitetit, dinamizmit dhe relaksit. Nga dritaret e dhomës së gjumit, mund të shijosh pamje të mrekullueshme nga lindja e diellit mbi mal dhe perëndimin e diellit në detin Jon. Pozicioni i vilave ndihmon për krijimin e intimitetit të një shtëpie pushimi. Secila vilë ka hapësirën e saj të parkimit.

Arkitektura e projektit shkrihet natyrshëm me mjedisin, duke i qëndruar besnikë teksturës natyrale të zonës shkëmbore ku ai shtrihet. Gama e ngjyrave është përzgjedhur në përputhje me arkitekturën mesdhetare dhe fasadat e mëdha lejojnë që hapësirat e brendshme dhe të jashtme të bashkohen dhe të funksionojnë si një e tërë.

• Sipërfaqe kati përdhe: 88.6 m²
• Sipërfaqe kati i parë: 83 m²
• Sipërfaqe totale ndërtimi: 171.6 m²
• Disponon hipotekë

Për më shumë informacion, ju lutemi na kontaktoni!